ဘော်ဘီအိမ် ပြန်ကပ်ပြီ

ဘလက်ကီမရှိသည့်နောက်ပိုင်းမှာ မှဘော်ဘီအိမ်ပြန်လာသည် ။ဘယ်မှမသွားတော့။
သူ့ ကိုစောင့်ရှောက်ထားသည့်ရဲဘော်တွေ ဂိတ်ကိုတော့
တစ်နေ့ ၂ ခါလောက်သွားသည်။ ခဏနေပြီးပြန်လာ သည်။
အိမ်မှာ အချစ်တော်နေရာကို ဆက်ခံတော့သည်။
အရင်ကတည်းက ဘလက်ကီက ဖေဖေ့ကိုကပ်တာများပြီး ဘော်ဘီက သူမ နှင့်တွဲဖက် မို့ 
သူမနှင့်တစ်တွဲတွဲ မခွဲဖြစ်လာသည်။
သူမ စာအုပ်ဖတ်နေလည်း အနားမှာ ဝပ်နေတတ်တာဘော်ဘီ။
ကျောင်းအပြန်ကျောပိုးအိတ် သယ်ပေးတာဘော်ဘီ ။
သူမကလည်းသွားလေရာမခွဲချင်သည်မှာ ဒီလောက်ကြီးသောခွေးကြီးကို
စက်ဘီးနောက်တင်ပြီး စီးသေးသည် ။မနိုင်တော့ နှစ်ယောက်လုံးလဲကွဲ ။
ဘော်ဘီဟာ ကြင်နာတတ်တယ် လူခင်တယ် ၊ ကြောင်တွေကိုလည်းခင်တယ်။
သူမကြောင်လေးတွေ ပေါက်ပြီ ဆိုဘော်ဘီကချောင်းနေတော့တာ။
ကြောင်မကြီးက ကြောင်လေးတွေ နေထုတ်ပြပြီဆိုရင် စွတ်ဆိုပေါက်ချလာရော ။
ကြောင်မက သူ့ ကလေးတွေကိုက်မှာစိုးလို့ အော်လိုက် ရန်လုပ်လိုက်ပေါ့ ။ ဘော်ဘီကတော့ကြောင်လေးတစ်ကောင်စီ ဂုတ်ကဆွဲချီလို့ မြက်ခင်းပေါ်ချ သေချာလျှက်ပေးပါတော့တယ်။
ကြောင်လေးမှာ သားရည်တွေရွဲလို့ ရယ်လေ။
ကြောင်အမေကြီး ကတော့ ဒေါတွေဖောင်းလို့ သူ့ သားသမီးတွေကို ပြန်လျှက်တော့တာပေါ့။

ဘော်ဘီလူခင်တဲ့ နေရာမှာ ဖက်ဖက်တက်တတ်တာက တော်တော်ဆိုးတာ။
တစ်နေ့ အိမ်လာလည်တဲ့ အန်တီတစ်ယောက်ကို ပြေးပြီး ဖက်တက်လိုက်တာ ၊ ဟိုက နှလုံးရောဂါသည်လေ။
အမလေးဆို မေ့သွားလို့ ဆရာဝန်ပင့်လိုက်ရပါရောလား။
ကံကောင်းလို့ လူသေမှုမဖြစ်တယ် ။ချစ်တတ်တာတွေ အဲလို။


------------------------------------------------------

ဘော်ဘီအပျိုမ

့သူမတို့ မြို့ လေးမှာဘော်ဘီ နာမည်ကြီးလာတာပေါ့။
အဲဒီတုန်းက German Shepherd ( အယ်လဇေးရှင်း) တွေ များများမရှိကြသေး။
ခွေးထီးပိုင်ရှင်တွေ က လှလှထွားထွားဘော်ဘီ့ ကို မျက်စိကျကြလို့ 
ဖေဖေ နှင့်မေမေကို လာနားဖောက်ကြတာ။ မေမေတို့ လည်းငြင်းတန်ငြင်းပေါ့လေ။
ဒီလိုနဲ့ သူမတို့ နှစ်အိမ်ကျော် က ဖေဖေ့ မိတ်ဆွေကြီး အိမ်က သူခွေးကြီးနဲ့ စပ်လိုကြောင်း စကားစလာတော့
ငြင်းမကောင်းသူမို့ ဖေဖေက ၊ အပြတ်မငြင်းလိုက် ၊
ဒါပေမယ့်သူတို့ ပြောသလိုတော့ ကားဂိုဒေါင်ထဲ တူတူထည့်ထားပေးဖို့ ငြင်းလိုက်ပြီး ၊
“ ရမ်ဘို “ ကို အိမ်ဘက်လွှတ်လွှတ်ပေးပါလို့ ပဲပြောလိုက်တယ်လေ။
သူတို့ ခြင်းကြိုက်ရင်ယူပေါ့ ။

တစ်နေ့ တော့ “ ရမ်ဘို “ က ရစ်သီရစ်သီနဲ့  ခြံရှေ့ လူပျိုလှည့်ရန်ရောက်အလာ ..
ဘော်ဘီက တွေ့ သွားပြီး အပြင်ထထွက်သွားတော့ ...
သူမက အမယ်တယ်ဟုတ်ပါလားဆိုအကဲခတ်နေစဉ် ၊
တစ်ခါတည်းတစ်ရူးထိုးလိုက်ကိုက်သည်မှာ ရမ်ဘို ကရှေ့ ကပြေး ဘော်ဘီက နောက်ကလိုက်နဲ့  ။
ရမ်ဘိုက သူ့ ခြံတံခါးဖွင့်ထားလို့ အထဲဝင်ပြေးပါတယ် ဘော်ဘီကနောက်ကလိုက်ကိုက်ပြီး ခြံထဲ က အလှစိုက် နှင်းဆီတွေ သစ်ခွအိုးတွေအကုန်ကျိုးပဲ့  . ရမ်ဘိုလည်း စုတ်ပြတ်ထွက် ။
နောက်လည်း အဲအိမ်က စပ်ဖို့ စကားမစလာတော့ ၊ ဖေဖေလည်း မျက်နှာမပျက်ကြအောင်အတော်လေးပြောဆိုလိုက်ရတာပေါ့။
အိမ်မှာတော့ချီးကျုးနေတာလေ .. ဒါမှ ငါ့သမီးဘော်ဘီတဲ့။ ဟိဟိ။
ဒီလိုနဲ့  ဘယ်ခွေးနဲ့ မှ စပ်မရတဲ့ အပျိုမ ဘော်ဘီပေါ့။

----------------------------------------------------

တွေ့ ဆုံခြင်းအစ ခွဲခွာခြင်းအဆုံး

တစ်နေ့ မှာတော့ဘော်ဘီနဲ့ ခွဲကြရဖို့ ဖြစ်လာတော့တာ။
ဖေဖေက နိုင်ငံခြားမှာ အလုပ်သွားလုပ်တော့မှာတဲ့  ဘယ်နှနှစ်ကြာမယ်မသိနှိင်ပါတဲ့
၅ နှစ်သော်လည်းကောင်း ၁၀ နှစ်သော်လည်းကောင်း ဖြစ်မှာ မို့ 
တစ်မိသားစုလုံးပြောင်းကြရတော့မှာလေ။
ဘော်ဘီ့ကိုခေါ်သွားဖို့ အဆင်မပြေပါ။
အစစလုပ်ရမှာတွေ ၊ သွားရမယ့်နေရာကလည်းဝေးဆိုတော့ ဖေဖေ့သူငယ်ချင်းက ယူမယ်တဲ့ ။
ဒီလို နဲ့ ရန်ကုန်က ဖေဖေ့သူငယ်ချင်းဆီရောက်ခဲ့တာပေါ့။
အဲဒီ ဦးဦးက မူးယစ်တပ်ဖွဲ့ မှာအရာရှိလေ။
သူကဘော်ဘီ့ကို မြင်တော့ ဖေဖေ့ကိုတစ်ခုတောင်းဆိုတယ် ၊
နိုင်ငံတော်အတွက် အသုံးချ မလားတဲ့ ။ သူမက နားမရှင်းလို့ ဖေဖေက ရှင်းပြတယ်။
မူးယစ်ဆေးရှာတဲ့ခွေး အနေနဲ့  နိုင်ငံတော်ကိုပေးလိုက်မလားလို့ မေးတာတဲ့။
သူတို့ ဟာရာထူးလည်း ရတယ် ၊ အစားလည်း ရာရှင်နဲ့ ကောင်းကောင်းရတယ်။
သေချာလည်း သင်ကြားခံရတယ်တဲ့ ။ဒီလိုခွေးမျိုးတွေဟာအသိဉာဏ် မြင့်လို့  မူးယစ်ဆေးရှာတဲ့နေရာမှာအရမ်းအသုံးကျတယ်တဲ့။
အများကြီးလည်းမထားပဲ သေချာလက်သပ်မွေးထားတာမို့ 
ပေးမလားဆိုတော့ ၊ သူမတို့ ကလည်း ခွဲထားရတော့မှာ မထူးဘူးလေ ဆိုပြီး ပေးမယ်ပေါ့။
သူတို့ သင်တန်းမှာ သင်လို့ ရမရအရင်စစ်သေးတယ်လေ ။
ထူးခြားတာက ဘော်ဘီဟာ သူမတို့ ဘယ်လို မှမတတ်နိုင်လို့ ထားခဲ့ရမှာကို
သိသလိုပဲ ပြဿနာလုံးဝမရှာတာပဲ။
တစ်ပတ်လောက် အင်းစိန်ဘက်က အဲဒီ တပ်မှာထားခဲ့ပြီး တော့ အိုကေတယ်ဆိုမှ ပေးလိုက်ပါတယ်။
သူမ သွားနုတ်ဆက်တော့ ဘော်ဘီ့ကို သင်ပေးမယ့် အထိန်းတပ်ကြပ်ကြီး နဲတွေ့ တယ်လေ ။
ဘော်ဘီဟာသူမကို စိုက်ကြည့်နေပုံက စိတ်မပူနဲ့  အိုကေတယ်ဆိုသလိုပဲ။
အမြီးလုပ်ပြ လျှာတွဲလဲနဲ့ လေ။သူမတိုြ့ပန်လာမယ်ဆိုရင်တော့ပြန်ယူလို့ မရတော့ဘူး ။
ဘော်ဘီက နိုင်ငံ့ဝန်ထမ်းဖြစ်သွားပြီတဲ့ ။
အသက်ပြည့်လို့ ပင်စင်ပေးမှ ပြန်ယူချင်ယူတဲ့။
မယူလည်း စောင့်ရှောက်ထားတာပဲလေ။
ဒီလိုနဲ့ မျက်စိတစ်ဆုံးလိုက်ကြည့်နေတဲ့ဘော်ဘီကို ထားခဲ့ရတော့တယ်။

--------------------------------------------------------------

သုံးရစ်ဘော်ဘီ

ဒီလိုနဲ့ နိုင်ငံခြားမှာ နှစ်တွေကြာပြီး သူမ ဆယ်ကျော်သက်အရွယ်မှာ မြန်မာနိုင်ငံတစ်ခေါက်ပြန်ခဲ့တယ်။
ဘော်ဘီ့ အကြောင်းစုံစမ်းတော့ ဒီနာမည်နဲ့  စစ်ခွေးမရှိဘူးတဲ့ ရယ်။
စိတ်တွေညစ်လို့ ဖေဖေက သူ့ မိတ်ဆွေကနေ စုံစမ်းမှ ဘော်ဘီ ရှိတဲ့ နေရာကိုသိရတယ်လေ။
နာမည်ပြောင်းထားတာတဲ့ “မေရီ“တဲ့ ၊ အလဲ့။
ဘော်ဘီက မူးယစ်ဆေးရှာတာမှာ စွမ်းစွမ်းတမန်စွမ်းဆောင်နိုင်လို့ 
ရာထူးတက်တက်သွားတာ အခုတပ်ကြပ်ကြီး တဲ့။
တပ်ကြပ်ကြီး မေရီပေါ့လေ။
ထူးခြားချက်ကတော့ ထုံးစံအတိုင်းဘယ်ခွေးထီးမှ အနားကပ်မရတဲ့ အပျိုကြီးတဲ့ ။

နှစ်တွေဘယ်လိုကြာပေမယ့် “ မေရီ“ ခေါ်ဘော်ဘီ ဟာသူမကိုမှတ်မိတာပဲ။
သူမဟာဘော်ဘီလို့ ပဲခေါ်ပါတယ်။
ချက်ခြင်း နားရွက်ကြီးထောင်တက်သွားလိုက်တာတွေ့ တော့ ခွေးများအင်မတန်
သစ္စာရှိတယ် ဆိုတဲ့စကားကို ၁၀၀ ရာနှုန်းထောက်ခံမိတော့တယ်။

ခပ်မတ်မတ်ရပ်နေရာက ဘော်ဘီလို့ ခေါ်သံကြားတော့ပြေးလာ ခုန်တက်လိုက်တာ
သူမမှာ လည်းဝမ်းသာမျက်ရည်တွေ ရွှဲလို့ ရယ်။
ဂုဏ်ယူပါတယ်ဘော်ဘီ။


---------------------------------------------------------------------


အခုတော့ဘော်ဘီ ဆုံးရှာပါပြီ။
အသက် ၁၀ နှစ်ကျော် မှာ တပ်ထဲမှာပဲ နေမကောင်းလို့ ဆုံးပါတယ်။
သူ့ ကိုပင်စင်ပေးရင်ပြန်မွေးမလို့ စောင့်နေပေမယ့် ဆုံးပါးသွားတော့
သူမတို့ ပြန်မမွေးလိုက်ရတော့ဘူးပေါ့လေ။
ဒါပေမယ့် သူမဘဝမှာ အချစ်ဆုံးခွေး နေရာမှာ အမြဲ ရှိနေပါတယ်။


။။။။။။။။။။။။။။။။။။။။။။။။။။။။။။။။။